ヾ櫇﹎砕ヾ
UID 95
Digest
0
Points 0
Posts 0
码币MB 0 Code
黄金 0 Catty
钻石 0 Pellet
Permissions 10
Register 2007-5-14
Status offline
|
|
溝女物語(20)
放暑假唔使返學，而且我同珠珠又已經乜野左咯，原本呢個暑假應該好精彩先係既！諗到可以同個咁靚既女仔去游下水，睇下佢著住件比堅尼、跟手又俾我親手幫佢除左落黎……嘩！齋諗都已經即刻硬哂啦！
其實我真係買左套好少布既比堅尼俾佢架！仲真係好少好少布，直頭連我都唔捨得俾佢著出街果種啦……我諗如果珠珠真係著住果套泳衣晌淺\水灣出現既話，可能會引起暴動都似！
不過呢Ｄ都係得個「諗」字！因為珠珠請左成個月大假，陪佢阿媽過加拿大探親……
雖然佢臨走前兩日，我同佢做左成日，由朝到晚都冇放過佢落床，足足扑左佢七鑊……真係飽到上心口。
但係「呢Ｄ野」冇得預繳加嘛……
喂！咪心邪呀！我係話「愛情」咋！
……我真係愈黎愈掛住佢！
好彩呢排公司有幾個半山盆岩岩接左手，我又要幫手交樓，忙起上黎先唔得閒亂諗野咋！
我職位唔算高，唔使晚晚開會，(果陣未升正經理)，淨係主力睇住一個豪宅盆加幾座單幢樓。平時我多數坐鎮晌豪宅盆果度，得閒先行過去附近Ｄ細盆度望下咁啦。
有一日，我食完晏，又散步行落去其中一個單幢樓盆果度，果個盆好細架咋，得廿零層，一梯一伙一電梯，Ｄ實用率低到嚇死人。不過附近就夠哂清靜，搵隻鬼睇下都冇。而且如果識路既話，交通其實幾方便，行落「老蘭」都只不過十零分鐘，岩哂Ｄ商務客。所以好多人買黎收租架，聽講仲租得幾好添。(係喎，講開我阿媽都好似渣左幾個單位……)
果日我戴住副黑超，頭岳岳咁行行下，忽然間有人晌後面用英文嗌住我。我擰轉頭一望……咦？靚女喎！仲打孖上添！
「有乜野可以幫到妳地呀？」我應酬慣Ｄ鬼佬客，以前又溝過鬼妹，普通既英文應對一Ｄ都唔係問題。
「先生，請問呢個地址晌邊？」其中一個女仔好有禮貌咁問，佢Ｄ口音好特別，我一聽就知係新加坡英文。
「等我睇下……」我除低副超，烏個頭埋去。
咦？唔錯喎……唔係講個地址，講緊佢Ｄ身材呀！
果日成三十度，曬到飛起，佢地兩個都係吊帶背心加牛仔短褲。我一哄埋去，即刻成條深溝睇哂，連果一粒二粒汗珠都睇到清清楚楚。
呢個時候，另外果個女仔又哄左埋黎喎。嘩！我當堂眼都凸埋，呢個仲正！
不過我只係瞄左兩眼，就即刻收返埋哂我果Ｄ咸咸濕濕既眼光……
係要咁架喎！望女仔望得太過狼胎梗係唔得啦，但如果連望都唔望一下，佢地又會覺得你唔尊重佢地架，所以要識得晌兩者中間搵個平衝。
……至於邊一點先至係平衡，就要睇你自己既領會同功力喇。
「咦？」我望左個地址一眼，有Ｄ疑惑咁抬高頭望返佢地兩個：「個地址錯架喎！」
我一講完，靚Ｄ果個女仔即刻發哂老脾咁話：「係咪呀！我都話坐的士架啦！而家盪失路喇！」
「我諗住有地址好容易搵丫嘛。」原本果個都扁哂嘴咁話。
我見佢地拖住Ｄ行李：「妳地岩岩落機？」
「係囉！」好有禮貌果個女仔就答我：「原本有人黎接我地既，點知佢地又忽然間話有事，叫我地自己去搵……」
「其實都係寫錯左個門牌唧，個大廈名冇錯。而且都好近架咋，橫掂咁岩我都要去果度，不如我帶你地去丫。」佢地要搵果座大廈，原來就係我頭先講果個單幢盆。
「係咪好遠架！不如搭的士啦？」靚Ｄ果個女仔聽到又要行，當堂皺哂眉。
我笑笑口咁望下佢：「行五分鐘唧，而且呢頭好難截的士，行路仲快！」
「阿詩，咁不如行啦？」另外果個女仔睇落幾慳家咁喎。
「咁好啦……」靚Ｄ果個原來叫阿詩。
「我幫妳丫……」我見果個阿詩淨係揹住兩袋仔野，而個慳妹唔單只揹住個大背囊，仲拖住個鬼死咁大既「口急」，咪扮紳士幫佢拎囉。果個阿詩仲以為我係想幫佢，後尾見我原來唔係同佢講，個樣好似有Ｄ意外咁；之後副面口仲黑鬼哂添。
我笑左一笑，靚女你估我未見過咩？特登唔騷佢。
「我叫阿堅，點稱呼？」我伸手同個慳妹握下手。
佢嫣然一笑咁：「我叫阿珊，佢係阿詩，係……」
「妳妹妹？」佢都未講完，我已經搶先講左。
「你點知既？」阿珊笑住問我，而果個阿詩就啤左我一眼，擰歪塊面唔啋我。
「估既唧……」我笑笑口答返佢：「妳個樣似大家姐囉。」梗係，我岩岩幫佢拎左個「口急」，佢已經好順手咁幫佢細妹揹埋果兩袋野喇。
……佢唔單只係家姐，仲係個好錫細妹既家姐添喎。
佢又笑得幾熱情喎：「係呀，我地兩姐妹係由新加坡黎香港做野架。」
「做乜野呀？新加坡都幾好丫。」我地兩個一路行一路傾，佢妹妹就晌後面跟住。
阿珊有Ｄ興奮咁話：「做Model囉！人地話晌香港做Model易紅丫嘛……」
我笑住口咁讚佢地：「咁妳地兩個咁靚女，去邊都冇問題呢！」
其實個心就諗：呢個都唔知乜野世界？識得講野就話去做歌星；有手有腳就話去做Model。紅？……邊有咁容易丫？
「係勒，點解咁岩你又要去果座大廈既？」阿珊忽然間醒起。
「哦，因為果處都係我公司負責管理既，我成日都要去睇下架。」
「咁你即係做乜野呀……？」
我咪答佢囉：「物業管理……」
「下……？」阿珊對眼鬥哂雞咁……唔明！一直都行晌後面既阿詩，就即刻伸個頭上黎，厲左我一眼：「即係做看更呀！」
我笑笑口話：「一樣唧，一樣唧……」我先唔會同呢Ｄ細路女徙氣！
去到樓下，佢地公司負責接待果個職員已經晌度等緊。我就將佢兩姐妹交返俾佢，仲留低左張卡片，叫佢地有乜野就搵我。
|
|
