ヾ櫇﹎砕ヾ
UID 95
Digest
0
Points 0
Posts 0
码币MB 0 Code
黄金 0 Catty
钻石 0 Pellet
Permissions 10
Register 2007-5-14
Status offline
|
|
溝女物語(16)
跟住果個禮拜一，珠珠請左假冇返工，仲連手提電話都閂埋。我知佢需要安靜下，就冇再騷擾佢，只係Sent左個SMS俾佢，話俾佢聽我對佢係認真既。
到左星期二佢先搵返我，叫我唔使擔心；但係亦都叫我暫時唔好搵佢住，佢話需要多Ｄ時間去諗清楚我地既將來喎。
我雖然好掛住佢，但呢Ｄ野冇得迫既，而且我都落左訂、打埋印添咯！唔通仲怕佢飛咩？於是我就應承左佢。
又過左幾日，有一朝忽然有個同學仔俾電話我，話佢肥左科「Law」，要補考喎。仲話收到風，話個阿Sir唔知痴左邊條筋？我地有成半班人都同佢同一命運\！我聽到先醒起，今朝早都好似收到學校封信喎，咪即刻拆黎睇下囉……
好彩！我Pass左，仲幾高分添。
我記起珠珠，立即打電話俾佢，點知佢真係肥左，仲好唔開心添。
話哂佢都係我條女，而且講唔定仲會變埋我老婆添架喎，點可以俾佢傷心架？我梗係馬上自動請纓同佢補習啦！
……於是乎我地又見返面。
不過珠珠就點都唔肯再上我屋企溫書，而且仲一句都冇再提返起我地果晚既野添。我亦都唔敢再迫佢，不過就有Ｄ奇怪，照計蝕底果個係佢，佢冇理由就咁算架？
我知珠珠讀書不嬲都好緊張，所以都唔敢再搞佢，以免佢分心……總之果幾個禮拜，我對佢真係規矩過規矩！淨係錫下嘴仔，連波都冇渣過。
到左補考果日，我渣車送埋佢去「信德」個試場果度，又應承晌樓下一直等到佢考完試，遠距離咁默默支持佢。
我見珠珠都仲係好緊張咁，咪攬實佢同佢講：「唔使驚喎！就算真係肥左都冇所謂架！一於唔鬼讀，索性連工都辭埋，沓埋心水嫁俾我做少奶奶，三年抱兩、四年再開雙……」
佢俾我引到識笑返Ｄ：「你就想喇！……我警告你呀！如果你貼俾我果幾題唔中既話，我即刻飛鬼埋你添呀！」
「下！妳講笑咋係嘛？」
「真架！」佢用力摷下我個面珠：「連Ｄ咁簡單既野都幫我唔到，仲要你呢個大色狼黎做乜野呀？」
我自細讀書都唔算叻，不過捉路呢樣野就幾掂，考親試我都有驚無險咁啦。所以前一日我就幫珠珠貼左幾條試題，仲幾有把握添。
「下！淨係罰好似唔係好公平喎！」我扁哂嘴：「咁如果中左係咪有獎先？」
「咁牙？」珠珠塊面忽然間紅哂。
「點呀？有乜野獎唧？」我見到佢怕怕醜醜果個樣，唔知點解，當堂由頭騷到落腳，忍唔住又口多多咁話：「係咪再陪我睇影碟呀？」
「咿……」珠珠晌我心口趙左一拳：「仲講，人地足足驚左成個月呀！好彩個親戚終於都返左黎咋！」
「哦……」我當堂恍然大悟：「唔怪之得妳上個禮拜咁「盟掙」啦，原來M到！」
佢即刻又「伸」多我一拳：「仲講，你都唔知人地幾擔心呀！」
「我錯！我錯！」我即刻鍚返佢，跟手就梗係食住上啦：「咁今晚係咪上我屋企唧？」
「咿！你個樣好淫呀……」佢又試面都紅哂：「等我考完試先講啦！」
哈哈……正！
我坐晌Starbuck度飲住咖啡等佢，一面飲一面就梗係兩頭望，睇下周圍有冇靚女啦。望望下，點知真係有兩個著住背心熱褲既鬼妹走埋黎喎……
佢地兩個望落都係得十零廿歲，鬼妹早熟早衰，最索就係呢個時候架勒。一過左廿零就會開始「把把」聲咁，老得好快，好彩既話就仲Keep到下個樣，不過多數都會開始打哂摺，唔似得Ｄ東方女仔咁襟老。
佢地坐左晌我隔離張檯，攤開張地圖指手劃腳咁晌度商量一陣去邊，睇落係Ｄ自由行既遊客掛。我聽聽下，發覺佢地似乎行錯路喎，咪八八掛掛咁同佢地搭訕，話俾佢地聽應該點行囉。
佢地見到我，當堂好似見到個水泡咁，猛咁問我香港Ｄ名勝既野，又話其他人唔係唔肯答佢地，就係Ｄ英文屎到唔知講乜？
大家後生仔，傾下傾下咪熟左囉。好快佢地已經同我搭哂膊頭，攬頭攬頸咁，後尾仲想約埋我一齊去玩添。
我其實都想架！佢地兩個都咁鬼熱情，如果我再落Ｄ嘴頭，講唔定今晚就可以同佢地打返場3P友誼波添喎！咪當係幫阿曾特首推廣下Ｄ國際形象囉。
不過，我邊有咁荒淫丫？所以最後都係推左佢地。我仲記得我已經有個珠珠……尤其係我瞄到佢已經行緊埋黎……
果兩個鬼妹都好唔開心架，不過後尾見到珠珠果陣，都好有禮貌咁猛晌佢面前讚我，臨走仲一人錫左我一啖！
呢下死喇！珠珠見我就咁坐左一陣就識到兩個靚女，已經唔係好高興；佢地一錫落黎，佢當堂連面色都變哂！雖然都仲係好大方咁同果兩個鬼妹講拜拜，不過跟住就唔啋我！
「唔關我事架！」我即刻扮哂死狗啦：「Ｄ鬼妹熱情之嘛……」
我講左一大輪佢先順返條氣，但仲係好似好不滿咁話：「我知，不過你就係衰在太受Ｄ女仔歡迎喇！」
「咁先值錢嘛！」我嘻皮笑臉咁話：「而且你知架，我心裡面淨係得妳一個！況且佢地拍馬都唔夠妳靚啦！」
「信你都奇呀！」佢咁先肯笑返咋！
「係勒！」我醒返起佢考試Ｄ野：「點呀？頭先考成點呀？」
佢即刻笑住咁話：「你又幾好野喎！四條中左三條半呀！呢次實Pass啦，抵錫！」講完真係攬住錫左我一啖。
「好野！」我大聲咁歡呼：「咁我地快Ｄ返屋企咯！」
「你個死咸濕仔！」珠珠當堂面都紅哂：「個腦裡面淨係諗住果Ｄ野！」
「乜呀？我話返屋企煮飯食之嘛！妳諗左去邊呀？」我笑返佢。
「哼！唔啋你！」我地耍住花槍咁返屋企。
當行過七仔果陣，佢忽然拉住我。
「做乜呀？」我問佢。
佢面紅紅咁望入去， 一面又推下我：「你快Ｄ入去買定先……」講下又唔講咁。
「哦……」我扮哂恍然大悟咁，仲特登拉長哂個尾音：「……買定Ｄ『Dom Dom』呀……」佢嚇到即刻搵隻手掩住我個口：「你使唔使再大聲Ｄ，話哂俾全世界人聽呀？」
我知佢怕醜，咪細細聲問佢：「照計妳今日仲係安全架喎，不如唔使戴呢？我唔想同妳有任何隔膜喎……」我就梗係想打真軍啦！
「唔得！」佢即刻睩大雙眼望實我：「你都唔知道呢個月我幾驚呀！如果你唔肯買都得，一係你發誓今晚唔會掂我囉！」
「買！即刻買！」我諗都冇諗，即刻衝左入去間七仔度。
|
|
