ヾ櫇﹎砕ヾ
UID 95
Digest
0
Points 0
Posts 0
码币MB 0 Code
黄金 0 Catty
钻石 0 Pellet
Permissions 10
Register 2007-5-14
Status offline
|
|
溝女物語（三）
有得第一次，第二、三、四次就容易得多喇！咁岩果排我又成日要上總公司度開會，同佢班同事混得幾熟。後尾佢地成班人去食飯唱Ｋ都會預埋我一份。
我平時抵得諗，人又疏爽，又唔怕蝕底，夾錢果陣只會俾多，永冇俾少；所以佢Ｄ同事都幾喜歡我，有幾個妹妹仔仲好主動咁想「溝」我添！
不過我志在「採珠」，當然唔會隨便浪費彈藥。因此我對呢班送上門既靚妹全部都不屑一顧，反而每一次都爭住做佢珠珠呢個公認左係「名花有主」既靚女既護花使者，代佢男朋友送佢返屋企。
因為之前返學已經習慣左我送佢，所以佢亦都順理成章咁接受左。如是者去得幾次，晌同事眼中，慢慢我就取代左佢男朋友既地位，佢地仲成日搵我地兩個黎開玩笑添！
我聽到佢地咁講，當然會詐詐帝否認下；珠珠同我都一樣。但係佢自己可能冇留意，呢Ｄ笑話傳下傳下，就會變左事實架勒！至少晌Ｄ冇咁熟既同事眼中，我已經變成左珠珠身邊既男人！
我就係咁逐少逐少咁穩固自己晌珠珠心目中既地位。我估佢都Feel到我鍾意佢，但係我唔講明，佢亦都詐唔知。咁樣令佢唔會覺得已經背叛左佢個男朋友，放心同我繼續交往。
我地就咁過左半年，雖然我同佢一路都冇任何親蜜既接觸，除左過馬路或者上落樓梯果陣會拖下佢隻手，同埋晌戲院黑媽媽果陣會扶下佢條腰之外……不過我一得閒就陪佢去玩，又時不時會送下Ｄ小禮物，俾Ｄ驚喜佢咁。幾Sweet，幾有拍拖Feel架。
不過……我最記得我追到珠珠既轉捩點，係晌佢生日果晚！
果晚原本要上堂，不過佢請左假！我一早晌佢Ｄ同事口中知道佢邊日生日，所以早一晚踏正十二點，已經Sent左個「生日快樂」既SMS俾佢。而且第二朝一早公司未開門，已經搵人送定花，務求要早過佢男朋友果紮送到佢手上。
聽佢Ｄ同事講，佢一返工就見到檯頭一大紮花，開頭仲以為係佢條仔送既添；點知見到張卡，當堂面到紅哂。到佢男朋友果紮真係送到黎果陣，佢已經乜驚喜都冇哂啦。
點知食完晏，我第二紮花又送到，呢次又嚇左佢一跳！
之後我先俾電話恭喜佢，話知道佢果晚一定要陪男朋友架勒，所以等夜晚放學之後再搵佢，到時先送生日禮物俾佢。
……哈！仲唔搞到佢同男朋友慶祝生日都心掛掛住我？
放左學，我影印定果晚Ｄ筆記，泊架車晌佢樓下等佢。到左十一點幾就見到佢男朋友搭的士送佢返黎。
嘩！佢條仔原來都生得幾高大靚仔架喎，幾乎及得上我。
珠珠似乎一早睇到我架車，所以當佢男朋友送佢落車想錫佢果下，佢表現得好勉強，好似好唔情願咁。
我等佢男朋友架的士走左，先至落車，慢慢咁行埋珠珠身邊。
「多謝你Ｄ花。」佢Ｄ笑容好牽強。
「呢Ｄ係今晚既筆記，阿SIR話會考架……」我將Ｄ筆記遞俾佢，見佢咬住個下唇想講野咁……我即刻截住佢，晌袋度拎左盒野出黎，打開俾佢睇。
「我知妳鍾意呢對耳環，」我苦笑往咁話：「希望你會接受。」
佢呆左咁望住我：「你點知既？」
其實我一早留意到每次我地行過公司樓下間首飾舖，佢都會偷偷地咁望下呢對碎鑽耳環；只不過佢唔係做得好明顯，唔留意既話係察覺唔到既。
「因為我在意妳既一切！」我垂低頭，細細聲咁話：「我知妳鍾意白色既百合花，我知妳飲咖啡落兩粒半糖，我知你鍾意食菠蘿油，我知妳食麵要走蔥，我知妳著六號鞋，我知妳鍾意唱衛蘭Ｄ歌……」
「阿堅……」佢對眼開始紅……
「我仲知妳鍾意映相，鍾意睇鬼片，鍾意去山頂睇夜景，晌海邊睇日落……」我講哂之前果幾個月陪佢玩果Ｄ回憶出黎。
我慢慢咁抬起頭，望實佢：「珠珠，我諗我鍾意左妳！」
「阿堅……」佢對眼開始濕……
「唔使講！我知道！我知道妳已經有男朋友，但係我控制唔到自己！」我停左一下，岳高頭嘆左口大氣：「我唔想令妳難做……」
「阿堅……」佢Ｄ眼淚開始流……
我一路講，佢一路抹眼淚。
「由聽日開始，我會消失，唔會再晌妳身邊出現……對唔住！如果唔係咁做，我諗我冇可能會忘記到妳！」講完之後，我即刻轉身行返去架車度，唔俾機會佢慢慢考慮。
|
|
