DAVIDKWAN
UID 7
Digest
0
Points 0
Posts 0
码币MB 0 Code
黄金 0 Catty
钻石 0 Pellet
Permissions 10
Register 2007-5-9
Status offline
|
吃喝玩乐在新兴
SO经过我一翻吃喝玩乐,我决定写底新兴街值得一去嘅地方,只系个人意见,如果写漏嘅,就记得帮我补充翻啦,大头虾吖嘛我!
吃:
1.西门街口嘅\\\"肥二\\\",有肉丸,腐竹卷,排骨.你可以叫佢跟粉面饭都得.喜欢嘅话,打包翻屋企做餸都得,得,得咗!
2.南街嘅\\\"大眼妹\\\"又有肉丸排骨干蒸芋丝饼等等,好多学生哥早餐就喺嗰度解决噶!
3.唔少得介绍下就系南街嘅\\\"狗肉旺粉仔\\\"啦,老字号,好多外地嘅专程都嚟新兴食翻碗架!掂!
4.云吞铺都算系新兴几传统嘅食物啦,我咁大个女,帮衬得最多都算系云吞铺.由细到大,都好迷恋云吞铺.我不嬲都觉得,我食过咁多地方嘅云吞,最好食非新兴街莫属啦!镇小路口红姨嘅云吞铺,我就帮衬得最多,不过而家好似搬咗啦...\\\"人上人K唱\\\"后面嘅同\\\"周百福珠宝店\\\"条巷仔入面嘅\\\"老牌云吞铺\\\",呢三间我觉得云吞面最好食.而\\\"新坚冷气\\\"隔离间云吞铺就觉得牛腩粉仔最好食.而\\\"奇香\\\"隔离间云吞铺就系我哋长蒲嘅啦,老地方!果度啲药材鸡脚比翔顺酒店啲仲好食啊!佢又另外一个名字,叫\\\"细路仔脚\\\",哈哈,因为mimi话佢俾药材浸得好涨,好肥肿,好似细路仔脚喎!\\\"福建名饺\\\"呢啲就唔需要介绍啦,因为都唔属于新兴本土嘅云吞.
5.城关中学斜对面嘅\\\"新兴第一炭烧生蠔\\\"同埋体育中心斜对面果间\\\"海芬\\\"炭烧生蠔好正架,新鲜夹抵食!
6.公园门口嘅\\\"肥婆烧烤\\\"都系我挚爱,佢好大架子架,唔系话几时食都得,要准时晚上12点先会开档,所以有时12点前都会见到几丁友喺度等肥婆开档嘅!可想而知,系几受欢迎!
7.城南市场对面嘅\\\"肥婆娟\\\"(发觉新兴好多开呢啲嘅都系肥婆...咔咔),佢度啲炒蚬同猪红好正架!牛杂就唔使讲啦,作为无牌小贩,得几把风扇,但系每日都坐满晒人,你都知道,OK架!
8.讲老字号牛杂,唔可以唔讲下,中山路嗰边间\\\"张六\\\",新兴街嘅牛杂元老,系佢啦!唔使讲嘢,我知道你哋肯定赞同噶啦!
9.西街小学嗰边有间长驻嘅\\\"北京风味\\\",我记得,我初中已经有噶啦,虽然佢哋唔系本地人,但系已经开始听得明新兴话,而且味道依然可以俾我揾翻初中放学嘅感觉,good...价钱便宜,5毫子一串,食到你生痘痘都系10几蚊,抵啦!
10.当然唔少得新兴特产----\\\"凉果\\\"啦.喺车站对面,就有\\\"凉果一条街\\\"乜嘢酸味凉果都有.假如你想平啲或者包装靓啲,就前往龙山条路,上面好多凉果批发市场.真系乜款式都有!
喝:
1.当然系\\\"快可立\\\"啦,我去过其他地方快可立,都未见过有新兴快可立做得咁大,由公有化入股,变为而家私有化,虽然啲饮嘅都比较贵,但系难得新兴有个咁嘅地方坐.不过兰话,而家快可立变为C仔嘅地头,去坐就做C仔喎...
2.\\\"1+1龟苓膏\\\",呢间嘢都好似有种公有变私有嘅倾向,由之前只买龟苓膏变为而家乜都有得食.而且有两间.不过我都系最爱食佢果度啲鱼蛋,个人认为比7仔啲仲好食!
3.中山路果边啲糖水铺都好老字号架,有间叫\\\"兴达\\\"嘅,啲绿豆沙劲好食!其他啲刨冰都好正呀!而且仲有牛杂食添,真系多元化!
4.中山路\\\"凤城\\\",\\\"珍宝\\\"等等(唔记得名)呢几间茶餐厅啲双皮奶几好(不过都慢慢被C仔们霸占).
5.西餐厅.翔顺花园嘅\\\"莱茵河\\\"同大园路嘅\\\"经典\\\",仲有翔顺二桥方向嘅\\\"金菊城\\\".不过我始终觉得\\\"经典\\\"啲嘢好食!
ps:其实喺新兴街,揾间好啲饮嘢嘅地方,系好难噶...都差唔多成为C仔嘅地头..@$%^&*(&$W@$&())##%&*
玩:
1.唔可以唔推销下,就系\\\"龙山\\\"----\\\"六祖惠能\\\"嘅故居,典故多多,香火多多.求财,求运,求爱,求子,求学业...乜都得!旅游好去处.而且有温泉,正~~~而家summer,好多人都去龙山游水,真系超爽啊!
2.新兴而家温泉多多,龙山,水台,布城...都已经开发咗好多温泉出嚟啦...唔知我喺我楼下掘下,会唔会掘出温泉呢?幻想ing...咔咔....
3.\\\"藏佛坑\\\"位于龙山上小小,上面山水如画,如诗如醉...据闻系六祖经过嘅地方!山水都可以饮得架,赞!
乐:
新兴就冇咩娱乐嘅地方嘅啦,我哋蒲嚟蒲去都系K场,翔顺花园嘅\\\"豪都\\\",恒辉豪庭嘅\\\"龙洲\\\",新兴一中附近嘅\\\"金悦\\\",\\\"人上人\\\"(装修ing),龙山半路嘅\\\"丽天\\\"...唱K劲抵,歌都拍得上neway架!
虽然有时我哋都选择干脆喺屋企上几日网唔出街.不过点讲都系自己土生土长嘅地方!新兴,虽然,你而家差唔多变成C蒲嘅地方,而且啲所谓嘅型仔型女好怪畸,兼且条街人流量越嚟越多.但系,新兴,你永远系我嘅屋企,我睇住你繁荣架,你睇,啲专卖店一间一间咁开,啲靓车就越嚟越多!好,我撑你噶新兴人!加油啦...光荣ing...
系新兴人嘅,就支持下啦,支持新兴经济发展啊!!
|
|
